Татарстан Республикасы Президенты Рөстәм Миңнеханов:“Күп балалы гаиләләр – башкаларга үрнәк”

(Тәтеш, 21 декабрь, “Тәтеш таңнары”). Татарстан хакимияте быел күп балалы кырык алты гаиләне яңа тораклы иткән.

“Торак һәм шәһәр мохите” илкүләм проекты буенча Татарстанның Дәүләт торак фонды төзегән йортлардан барлыгы алтмыш сигез фатир бирелгән.

“Күп балалы гаиләләр – башкаларга үрнәк”, – дип белдергән Татарстан Республикасы Президенты Рөстәм Миңнеханов, күп балалы гаиләгә яңа өйгә күчү шатлыгын уртаклашырга килгәч.

Кайбер гаиләләргә берьюлы берничә фатир бирелгән. Мәсәлән, Яшел Үзән районындагы ун балалы гаилә дүрт фатир алган: икесе – ике бүлмәлене, калган икесе – бер бүлмәлене.

фото: Татар-информ