Тәтеш районы башлыгы һәлак булган Богдашкино авылы ир-егетләренең әти-әниләре янына барганнар

(Тәтеш, 7 май, “Тәтеш таңнары”) Бүген Тәтеш районы башлыгы Рәмис Сафиуллов, район башкарма комитеты җитәкчесе урынбасары Наталья Николаева һәм Урюм авыл җирлеге башлыгы Алексей Абмаев махсус хәрби операция барышында һәлак булган Богдашкино авылы ир-егетләренең әти-әниләре янына барганнар.

Волковлар, Ярухиннар һәм Долговлар гаиләләрендә улларын сагынып искә алалар.

Аларның фотолары һәр йортның диварында иң күренекле урында эленеп тора. Һәлак булган ир-егетләрнең якыннары белән сөйләшкәндә район башлыгы Рәмис Сафиуллов аларның батырлыгы район халкының хәтерендә мәңгегә калачак, ә аларның тормышлары яшь буын өчен батырлык үрнәге булып тора, дип билгеләп үткән.
Рәмис Хатыйп улы һәлак булган солдатларның әти-әниләрен якынлашып килүче Җиңү көне белән котлаган.