Быел район хастаханәсе хезмәткәрләренең дүрт баласы беренче тапкыр мәктәп парталары артына утырачак.
Тантаналы шартларда баш табиб Булат Кашапов балаларга үгет-нәсыйхәт сүзләрен әйтте. Булачак укучыларга мәктәп портфельләре алу өчен сертификатлар һәм татлы бүләкләр тапшырылды.
Профсоюз комитеты вәкилләре беренче сыйныф укучыларына укуларында уңышлар теләделәр, ә аларның әти-әниләренә канцелярия кирәк-яраклары сатып алу өчен премия бирделәр.
Чара барышында булачак беренче сыйныф укучыларына җылы сүзләр һәм изге теләкләр яңгырады! Хәерле юл, белем иленә!
Нет комментариев