Тәтештә мәдәният хезмәткәрләре бүләкләнде

(Тәтеш, 31 март, “Тәтеш таңнары”).Залда уртак максат бер­ләштергән – Россиянең һәм Татарстанның тарихи, әдәби, рухи мирасын саклаучылар һәм арттыручылар җыелды. 

– Авылларда да, ­шәһәр­дә дә район һәм республика күләмендәге бер генә чара да сезнең катнашыгыздан башка узмый. Һәркем үзеннән өлеш кертә. Сезнең белән без – команда, һәм без Тәтеш районы хакына бергәләп эшләүне дәвам итәчәкбез, – дип мөрәҗәгать итте мә­дәният хезмәткәрләренә район башкарма комитеты җитәкчесе урынбасары ­Наталья Николаева.   

Район башкарма коми­те­тының мәдәният бүлеге начальнигы Юрий Сиякин һәм мәдә­ният хез­мәткәрләре профсоюзы­ның район комитеты рәи­се Гүзәл Ибраһимова да җыелучыларга тырыш хез­мәтләре өчен рәхмәт сүз­ләрен белдерделәр. Тантаналы өлештән соң профиль секцияләр буенча эшлекле киңәшмә булды.