Түбән Тарханда кич утыру гадәте саклана

(Тәтеш, 11 сентябрь, Тәтеш таңнары). 

–     Авылда яшәгән халкым кич утыруларның ни кадәрле күңелле булуын яхшы белә. Бигрәк тә өлкән буын, – ди авылның “Ак калфак” бүлеге җитәкчесе, мәдәният хезмәткәре Гүзәл Шәмсетдинова. – Яшьләр хәзер моны әби- бабайлардан ишетеп яки телевидениедән күреп кенә беләләр. 

Әңгәмәдәшебез уртак­лашканча, Түбән Тархан­ авылы аккалфаклары, ис­ке йоланы яңартып, елга буенда күңел ачканнар. Учак янында гармунга кушылып җырлашканнар, биешкәннәр, халык уеннарын рәхәтләнеп уйнаганнар. Чишмә суыннан күмер самавыры куеп, тәмләп чәй дә эчкәннәр. 
– Җәйге җылы төндә учак яктысында кич утыру­лары җанга рәхәт икән. Әби-бабаларыбыз шуңа да яшь вакытларында болында, инеш буйларында бергә­ләп матур итеп кич утырган да инде, – дип билгеләп үтә Гүзәл Наил кызы.