Тикшерү комитеты Чаллы бассейнында баланың батуы төшерелгән видеоны тәкъдим итте

(Казан, 2 октябрь, «Татар-информ»). Татарстан Тикшерү комитеты Чаллыдагы бассейнда төшерелгән видео тәкъдим итте. Анда җиде яшьлек малай аздан гына батып үлмәде.

Видеодан күренгәнчә, инструктор бала белән аралаша, аның йөзү өчен такта алганына инана һәм китеп бара. Малай исә суга керә һәм бата башлый.

Моңа кадәр «Татар-информ» агентлыгы гадәттән тыш хәлнең 30 сентябрьдә «Сильная арена» фитнес-үзәгендә булуы хакында хәбәр иткән иде. Суга тончыккан бала комага китә. Хәзерге вакытта Чаллының Кама балалар медицина үзәге табиблары аның гомерен саклап калу өчен көрәшә.

https://tatar-inform.tatar/news/2019/10/02/194622/