Тәтеш районы башлыгы Рәмис Сафиуллов район халкына, сугыш һәм хезмәт ветераннарына, пенсионерларга мөрәҗәгать итә

(Тәтеш, 1 октябрь, "Тәтеш таңнары")  Тәтеш районы башлыгы Рәмис Сафиуллов район халкына, сугыш һәм хезмәт ветераннарына, пенсионерларга мөрәҗәгать итә: “Без үзебезнең ата-аналарыбызга, сугыш һәм хезмәт ветераннарына, пенсионерларга, остазларыбызга һәм өлкән иптәшләребезгә озак еллар тырыш хезмәтләре, зирәк киңәшләре һәм кыен вакытларда ярдәм иткәннәре өчен ярату һәм чиксез хөрмәтебезне җиткерәбез. Район хакына үз-үзегезне аямыйча хезмәт итүегез, гореф-гадәтләрне һәм гаилә кыйм­мәтләрен саклавыгыз белән сез безгә үрнәк булып торасыз. Сезгә чын күңелдән озын гомер, мәхәббәт һәм якыннарыгызның хөрмәтен тоеп яшәвегезне телим.”

Тәтеш муниципаль районында 1нән 10 октябрьгә кадәр Өлкәннәр ункөнлеге кысаларында  төрле чаралар уздырылачак.