Тәтеш районының белем бирү системасы саннарда

(Тәтеш, 5 октябрь, "Тәтеш таңнары", Инга Сәфәрова, район мәгариф бүлеге мәгълүматлары буенча). “Безнең төп бурыч – һәр балага сыйфатлы белем бирү һәм һәрбер мәктәптә, балалар бакчаларында кызыклы, имин, уңайлы уку өчен яхшы шартлар булдыруны тәэмин итү, – ди район башкарма комитеты мәгариф бүлеге начальнигы ­Татьяна Красулина. – Район җитәкчелеге ярдәмендә моның өчен күп эшләр башкарыла”.

Белем бирү челтәрләре структурасы
Тәтеш районында 2019 елның 1 октябрь торышы буенча эшлиләр:
– 27 мәктәп;
– 17 балалар бакчасы;
– өстәмә белем бирү үзәге;
– мәктәпара уку комбинаты;­
– кадет мәктәбе;
– 2 урта һөнәри белем учреждениесе: авыл ху­җалыгы техникумы һәм гражданнарны яклау көл­лияте.

Өстәмә белем бирү
Өстәмә белем бирү үзәгендә төрле юнәлештәге 6 программа буенча берләшмәләр эшли, анда райондагы меңнән күбрәк бала шөгыльләнә.

Райондагы 730 сабый балалар бакчаларына йөри.

Райондагы 1998 бала мәктәпләрдә укый.

Район мәктәпләрендә һәм урта һөнәри белем бирү учреждениеләрендә өлгереш – 100 процент.

Мәктәпләрдәге 13 чыгарылыш 2018-2019 уку елында аттестатны бик яхшы билгесе белән алды:
Тәтештәге 1нче урта мәктәп – 5 кеше; Килдеш урта мәктәбе – 2 кеше; Киртәле урта мәктәбе – 2 кеше; Тәтештәге 2нче урта мәктәп – 1 кеше; Урюм урта мәктәбе – 1 кеше; Тәтеш татар урта мәктәбе – 1 кеше; Тәтеш кадет мәктәбе – 1 кеше.
2018-2019 уку елында көллият һәм техникумның 48 чыгарылышы бик яхшы билгесенә дипломнар алды.

Укытучылар составы
Район педагогларының 70 проценттан артыгы югары һәм беренче квалификация категориягә ия. Педагогия хезмәт­кәрлә­рен­ең уртача яше – 43,5 яшь. 

Район мәктәпләре, балалар бакчалары педагогларының дәрәҗәле исемнәре һәм бүләкләре
“ТРның атказанган укытучысы” – 13 кеше; “Гомуми белем бирүнең Мактаулы хезмәткәре” – 7 кеше; РФ Мәгариф һәм фән минис­трлыгының Мактау грамотасы – 32 кеше; “Мәгарифтәге хезмәтләре өчен” күкрәк билгесе – 16 кеше; ТР Мәгариф ми­нистрлыгының Мактау грамотасы – 98 кеше. 

Иң яхшы укытучыларга ярдәм
2019 ел эчендә “Өлкән укытучы”, “Укытучы-оста” һәм “Укыту­чы-остаз” грантлары буенча респуб­лика бюджетыннан районның 9 укытучысы гомуми суммасы 774 мең сумга акчалата бүләккә ия булды. Район педагогы федераль бюджеттан 200 мең сум премия белән бүләкләнде. Техникум һәм көллият укытучылары “Иң яхшы укытучы” грантын алу өчен бәйгедә катнаша. 

Белем бирү учреждениеләренең матди-­техник базасы
Районда балаларны укыту шартларын яхшырту буенча планлы күләмдәге эшләр алып барыла. Агымдагы елда кадет мәктәп-интернаты, “Миләшкәй” балалар бакчасы, Олы Шәмәктә мәктәп, Тәтешнең гражданнарны яклау көллия­те, өстәмә белем бирү үзәге, Олы Тархандагы балалар бакчасы ремонтланды, Алабирде һәм Олы Тархан мәктәп­ләрендә “Үсеш нокталары” булдырылды. Барлык мәктәп­ләр автомат рәвештәге янгын сигнализациясе белән тәэмин ителгән һәм “01” пульты сигналына чыгуга ия. Еракта урнашкан авыл территорияләрендә яшәүче укучыларны транспорт белән йөртү оешты­рылган.