“Тәтеш таңнары”н балачактан ук яратып укыйм

(Тәтеш, 4 июль, "Тәтеш таңнары"). Тормышымны район гәҗитеннән башка күз алдына да китерә алмыйм. Атнага ике тапкыр хат ташучының “Тәтеш таңнары”н китерүен көтеп торам.

Район гәҗите бигрәк тә күңелгә якын. Анда җирлектәге яңалыклар яктыртыла, игъланнар бик кызыксындыра. Авыл хуҗалыгы тормышы, хезмәт куючы тырыш кешеләр, ихтирамга лаек райондашлар хакындагы язмаларны яратып укыйм. Аш-су серләре дә безгә, хуҗабикәләргә, бик кирәк. Тормыш-көнкүреш, гаилә турындагы мәкаләләр ешрак бас­тырылсын иде.

“Тәтеш таңнары” бик эчтәлекле, бик ошый. Район гәҗите хезмәт­кәрләренә эшлә­рендә уңышлар юлдаш булсын, матур язмалар белән сөендереп торыгыз.