Тәтеш үзәк район хастаха­нә­сендә бүгенге көндә наркотик кулланучы 14 кеше исәптә тора

(Тәтеш, 26 июнь, "Тәтеш таңнары"). Тәтеш үзәк район хастаха­нә­сендә бүгенге көндә наркотик кулланучы  25тән алып 45 яшькә кадәрге 14 кеше исәптә тора.

Район хастаха­нәсенең табиб-наркологы Наталья Ляченкова әйтүенчә, кешеләрнең наркотик куллануына берничә сәбәп бар. 

Тыелу. Психоактив матдәләр күбрәк тыелган саен, аңа тартылу да көчлерәк. Әгәр матдә­ләрне белгечләр билгели икән, аларның зыяны юк дип уйлау, наркотик­лар алу ысулын эзләүгә этәрә. 
Ямансулыкны бетерү теләге. Ямансулык – кешеләрнең наркотик­ларга бәйле булу  сәбәпләренең берсе. Шундый халәттән чыгу­ның башка ысуллары барлыгын алар аңламый. 
Маҗараларга омтылу. Наркотик­лар кайберәүләр өчен “күңел ачу” маҗарасына әверелә. Югыйсә алар арасында бернинди уртак­лык та юк. 
Кумирлар-наркоманнарга охшау теләге. Барлык йолдызларның да аларга табына торган фанатлары бар. Әгәр кумир – наркоман икән, аңа табынучылар наркотик­лар дөньясына кереп ­чумарга мөмкин.
Татып карау теләге. Бер тапкырдан гына берни дә булмая­чак дип уйлаучы кешеләр бар. Әмма наркотикны хәтта бер генә тапкыр кулланып та, кешедә наркотик­ларга бәйлелек булырга мөмкин. Яраклашу теләге. Күпләр танылган компаниядә булырга хыяллана. Алар яраклашу теләге белән наркотиклар куллана башлый һәм тозакка эләгә.
Каршылык булдыру теләге. Күңел кичерешләре соңгы чиккә җит­кәндә ачу чыга, һәм, наркотиклар куллану –  каршылык күрсәтүнең бер ысулы. Стресс белән көрәшүнең нәтиҗәлерәк алымнары да бар. 
Олыгаеп җитүне күрсәтү те­лә­ге. Яшүсмерләр олыларга барысы да рөхсәт ителә, дип уйлый. Балаларга нәрсәне дә булса эшләү тыелса, алар ачу хисләре кичерә. Андый очракта кайберләре наркотик­лар куллана башлап, олыгайдым дип хис итә. 
Мәшәкатьләрдән арыну теләге. Бу – наркотикларга тартылуга сәбәпче. Һәм кыска вакытлы “җиңеләю” мизгелләре өчен психоактив матдәләрне зарарсыз куллану гомергә куркыныч янаган газаплы бәй­лелеккә китерә.  

фото: архив/Авангард