Тәтешле - «100 лидер» - Киләчәк Татарстаны республика проектында катнашты

(Тәтеш, 11 март, “Тәтеш таңнары", Елена Кострина). "Гамәли информатика» белгечлегенең 3 нче курс студенты Зарубин Игорь, сынау әңгәмәсендә сайлап алуны уңышлы узып, «100 лидер» - Киләчәк Татарстаны республика проектында катнашты.

Әлеге бәйге 18 яшьтән алып 35 яшькәчә булган актив, идеяле, сәләтле яшьләрне эшкуарлык эшчәнлегенә җәлеп итүгә юнәлдерелгән. «100 лидер» - Киләчәк Татарстаны конкурсы яшьләргә төрле өлкәләрдә: IT, авыл хуҗалыгы, мәгариф, спорт һәм сәнәгатьтә үз проектларын гамәлгә ашыру мөмкинлеге бирергә тиеш.

"Әлеге проектта катнашу — көллиятнең зур уңышы. Безнең студент җитди сайлап алу узды, аның конкурентлары югары уку йортларының яшь галимнәре, студентлары һәм аспирантлары иде. Ике ай дәвамында Игорь проектның белем бирү программасында катнашачак. Ул анда командада эшләргә, үз бизнесын башларга һәм дөрес алып барырга, ничек итеп үз проектын тормышка ашырырга өйрәнәчәк», - ди студентның җитәкчесе Е. Н. Кострина.

фото предоставлено: ГАПОУ "Тетюшский государственный колледж гражданской защиты"