Тәтешле сорый: Әҗәтне ничек кайтарырга?

(Тәтеш, 4 март, “Тәтеш таңнары”). 

– Танышыма 25 000 сум акча биргән идем. Моның белән беррәттән ул расписка язган иде, анда бурыч 3 ай дәвамында кире кайтарылырга тиеш дип күрсәтелгән. Тик танышым билгеләнгән вакытка акчаны кире кайтармады, әҗәтен кире кайтару турындагы сорауга җавап бирүдән читләшә. Миңа акчамны ничек кире кайтарырга? – дип сорый шәһәрле 
Эльвира И.

Тәтеш районы прокуратурасы аңлата: 
– РФ ГКның 810нчы маддәсе 1нче пункты ни­гезендә, бурычка алучы акча бирүчегә әҗәтен бурыч килешүендә каралган вакытка һәм тәртиптә кайтарып бирергә тиеш.
РФ ГКның 811нче мад­дәсе 1нче пункты ни­ге­зендә, бурыч суммасын вакытында кайтармаган очракта, бу суммага процентлар бурычка бирүчегә кире кайтарылган көннән алып, законда яки бурыч килешүендә башка­сы каралмаган ­бул­са, аны кире кайтарган көн­­гә кадәр түләнергә ­ти­еш. Күрсәтелгән про­цент­лар­ның күләме, Россия Бан­кының тиешле вакытка гамәлдә булган төп ставкасы белән билгеләнә. 
РФ ГКның 811нче маддә­се 2нче пункты нигезендә, бурыч килешүендә акчаны өлешләп кайтару (кичектереп түләү) каралган булса, бурычка акча алучы әҗәтнең чираттагы өлешен кире кайтару өчен билгеләнгән вакытны бозган очракта, акча биреп торучы, акчадан файда­ланган өчен процентлар белән бергә калган бурычның суммасын вакытыннан алда кайтаруны таләп итәргә хокуклы.
РФ ГПКның 23нче мад­дәсе нигезендә, милек бәхәсләре буенча гражданнар эшләре илле мең сумнан артмаганда җәмәгать судьясы тарафыннан каралырга тиеш, ә илле мең сумнан артык булганда район суды тарафыннан карала. Дәгъва, РФ ГПКның 28нче маддәсе нигезендә, җавап бирүченең яшәү урыны буенча тапшырыла.
Сөйләгәннәрдән күрен­гәнчә, сезнең һәм танышыгыз арасында бурычка акча бирү килешүе буенча хокукый мөнәсәбәтләр урнашкан диярлек, шуңа күрә сез танышыгыздан төп бурычны һәм процентларны түләттерү турындагы гариза белән судка мөрәҗәгать итә аласыз.