Сездән сорау, бездән җавап
(Тәтеш, 24 гыйнвар, “Тәтеш таңнары”).
– Тәтештә элек беренче каттагы стоматологиядә теш алучы табиб бүлмәсе бар иде. Ковид аркасында аны 2нче катка күчерделәр. Ишеткәнемчә, хәзер, беренче каттагы бүлмәне ябарга телиләр икән. Инвалид арбасында гына хәрәкәт итә алган кешеләргә нишләргә кала инде? Анда бит лифт юк, аларга икенче катка ничек итеп менәргә соң?
Тәтешле
Тәтеш үзәк район хастаханәсе администрациясе мәгълүматлары буенча, безнең районда 31 хәрәкәтләнә алмаучы инвалид яши. Зарурилык булган вакытта аларга поликлиникада кичектергесез ярдәм бүлмәсендә, портатив стоматология аппараты белән ярдәм күрсәтеләчәк. Теш алдыру бүлмәсе коронавирус пандемиясе белән бәйле вакытлыча күчерелеп торган.
фото: pixabay.com
Нет комментариев