Тәтештә Балаларны яклау көнен билгеләп үттеләр

(Тәтеш, 4 июнь, “Тәтеш таңнары”, Лиана Заһитова, автор фотосы). Балалар һәм өлкәннәр сәх­нәдә яңгыраган җырлар ас­тында паркта ял иттеләр. Бу көнне балаларның барысы да бәйрәмчә күтәренке рухта иде. Милли кием­нәр кигән балалар тамашачыларга район мәктәпләре, өстәмә белем бирү үзәге укытучылары җи­тәкчелегендә төрле милләт телләрендә җырлар башкардылар, биюләр бүләк иттеләр. 

Район башкарма комите­ты­ның мәгариф бүлеге начальнигы урынбасары Инна Лазарева үзенең чыгышында балаларга күңелле ял итүләрен теләде һәм “Балалар илне рәсемгә ясый” дигән бәйгедә катнашучыларга Рәхмәт хатлары тапшырды.
Тантаналы чараның яшь катнашучылары паркта Тә­тешнең спорт мәктәбе хезмәт­кәр­ләренә ГТО нормаларын ­тапшырдылар.
Балалар китапханәсе коллективы да паркта үз почмагын тапкан һәм аны “Җәй, китап, мин – дуслар!” дип атаган. Балалар китапханә хез­мәткәрләренең, әкият ге­рой­ларының табышмакларына җаваплар әйт­кәндә, әйтерсең лә әлеге уку елында соңгы “сынауны” тапшыргандай тоелды.
Чарага килгән Людмила Лазаревага,  аның дүртенче сыйныфтагы кызы Дарьяга, Яр Чаллыдан кайткан туганы Ольгага һәм аның тугыз яшьлек улы Левага бәйрәм бик ошаган.  
– Бүген без иртән җыендык та паркка килдек. Безнең балалар аквагрим ясадылар, кон­­курсларда, уеннарда, “Тә­мә­кесез Россия” акциясендә катнаштылар – безнең кулларга зәң­гәр тасмалар бәйләделәр. Тәм­лүш­кәләрдән башка бәйрәм буламы? Туңдырма белән сыйландык. Кыскасы, Балаларны яклау көнен бик күңелле итеп билгеләп үттек, бәйрәм матур үтте, – дип сөйләде Людмила, һәм аңа сеңелесе дә кушылды. 

– Бәйрәмдә бөтенесе бар, кирәк әйберне, безнең шә­һәр­дән аермалы бу­ларак,  чиратта тормый гына сатып алырга була. Кон­цертта төрле телләрдә яң­гыраган җырлар кү­ңелләргә хуш килде, соклан­дырды, – диде Ольга Семагина.

Тәтеш районының барлык авыл җирлекләрендә Балалар­ны яклау көне уңаеннан бәйрәм чаралары үтте.