Яңа сезонга – яңа техника белән

(Тәтеш, 29 апрель, "Тәтеш таңнары"). Районның авыл хуҗалыгы

предприятиеләренең машина-трактор паркы ел саен югары җитештерүчәнлекле техника  белән  тулылана.

Хуҗалыкларда шактый эшлү нәтиҗәсендә искергән техникаларны, аграрийларның хезмәт җитештерүчәнлеген арттырырга, ягулык-майлау материалларын, хезмәт ресурсларын шактый экономияләргә һәм җитештерелгән продукцияләр күләмен арттырырга мөмкинлек бирүче заманчалары алыштыра.

“Районның агросәнәгать комплексында заманча технологияләр һәм югары җитештерүчәнлекле техникаларны файдалану авыл хуҗалыгы производствосын тот­рыклы үстерүнең мөһим шартлары булып тора. Һәм кайгыртучан хуҗалар бул­ган техниканы яңартырга омтыла”, – дип раслый районның авыл хуҗалыгы һәм азык-төлек идарәсе белгечләре.

Быел районның ав­ыл хуҗалыгы җи­теште­рү­челәре төрле яңа техни­калар сатып алды: “Колос” – безнең илдә җитештерелгән 5 трактор, “Родина” һәм “Нур” – берәр трактор; “Татарстан” һәм “С. М. Казаков” КФХ  – үзйөрешле сиптергечләр; “Маяк” һәм “Нур” – чәчү комплекслары; “АгроСоюз” – туфрак эшкәртү җайланмасы.