Җыр – дуслыкны ныгыта

(Тәтеш, 27 декабрь, "Тәтеш таңнары", Сания Сәмигуллина). 
“Анда дүрт район: Апас, Тәтеш, Чүпрәле, Буа үзешчәннәре катнашты, шулай ук Ульян каласының бию коллективлары да үзләренең чыгышлары белән сокландырды, – дип хәбәр итте Олы Тормыдан Рушания Мусина. –  Фестивальгә район башлыгы Рәмис Сафиуллов тәкъдиме буенча бардык. Анда икешәр җыр башкардык, ә Васыйл абый гармунда уйнады”. 
Мәдәният хезмәткәрләре әйтүенчә, райондашларыбызны бик җылы итеп каршылаганнары һәм матур җырлары өчен аларга үзешчән сәнгатьтә катнашучыларның I төбәкара “Дуслар җыелган җирдә” татар сәнгате фестиваленең  I дәрәҗә Дипломы һәм истәлекле бүләкләр тапшырылган. 

Җыр-моң белән сугарылган күркәм фестиваль һәркайсының күңелендә якты кичерешләр, матур хис-тойгылар калдырган.