Заман белән бергә атлыйлар

(Тәтеш, 11 июль, "Тәтеш таннары"). Вакыт алга йөгерә. Кәгазьдәге ­хатларны кешеләр бер-берсенә сирәк язалар, ә яңа­лыкларны ешрак чел­тәрдә укыйлар. Әмма бу һөнәр ияләренең эше моңа карап кимеми, яңа технологияләр һәм яңа таләпләр барлыкка килә, ләкин һәр эшнең нигезе булып элеккечә үк кешеләр кала. Бүген сезнең поч­та тартмасында безнең газетаның булуы – поч­та хезмәткәрләренең казанышы, алар  тә­тешлеләргә хатлар, посылкалар, пенсияләр, пособиеләр,  вакытлы матбугатны вакытында җиткерү өчен кулдан килгәннең барысын да эшлиләр.

Бүгенге көндә Тәтеш участогына элеккечә үк 21 шәһәр һәм авыл почта бүлекчәсе керә, аларда 94 кеше хезмәт куя.

– Почта бүлекчәләре башлыклары да, хат ташучылар да үз эшләре өчен җан атып яшиләр, – дип билгеләп үтә учас­ток начальнигы Татьяна Еремеева, аның белән без һөнәри бәйрәм көне алдыннан аралаштык, ул июльнең икенче атна якшәмбесендә үткәрелә. – Коллективыбыз оешкан, үз вазифаларын яхшы башкара. Лидия Сусарева, Розалия Габбасова, Зәйнәп Фәткуллина, Зинаида Мокеева – 40 елдан артык, Маһинур Миңнуллина, Вера Карабанова, Раиса Нестерова, Галина Лузгова, Нина Лобанова, Гөлсирә Гомәрова, Наҗия Садыкова – 30 ел тирәсе, Анна Литвинова, Нина Васина, Лидия Кавина, Мария Петрова, Нина Долганова, Вера Барсукова һәм башкалар почта хезмәтенә чирек гасырдан артык хезмәт куялар. Коллективыбыз ветераннарын да билгеләп үтәсе килә: почта бүлеге начальник­лары Флюра Измайлова (Татар Бидәңгесе), Светлана Вәлиева (Бакырчы), Фирдәнә Сәгыева (Келәш). Почта хезмәте ветераннары дип шоферлар Әсгать Алимбеков, Иван Шипулин һәм Анатолий Кутяшовны әйтергә була, аларның эш стажы 20 елдан артык. Профессионаллар: сәүдә буенча менеджер Светлана Моденова, оператор Наталья Колесникова, мобиль оператор Надежда Абмаева, сортларга аеручы Любовь Шиндягина, аның аша бер көн эчендә йөзләгән хат һәм посылка уза; сатучы Наталья Даньшина. 
Безнең төп юнәлеш­ләр – эшнең ­сыйфатлы булуы, күрсәтелә торган хез­мәтләрнең күләме, техник яктан барысын да булдыру. Агымдагы ярты еллыкта районыбызның 3 700дән артык кешесе район газетасын алачагына без бик шат. Чөнки подписка – ул коммерция хезмәте генә түгел, ә поч­таның йөзен дә булдыра. Нәшрият эше һәм почта хезмәте борынгы заманнардан бирле янәшә бара – алга таба да шулай дәвам итәргә тиеш.

Без даими рәвештә клиентларыбыз өчен яңа хезмәт төрләрен үз­ләштерәбез һәм алга барабыз – заман белән бергә атларга ­тырышабыз.