Команда медальләренә шәхсиләрне өстәделәр

(Тәтеш, 25 июль, "Тәтеш таңнары"). Стендка ату буенча Россия яшүсмерләр командасы Беренчелеге һәм шәхси Бөтенроссия ярышлары Татарстан җыелмасы өчен уңышлы башланды.

Геннадий Мамкин (тренеры Виктор Филиппов), Александр Железин һәм Никита Кос­тягин (тренерлары Александр Вавилов) үсмерләр арасында “трап”та беренче булды. Яшьләр Мәскәү җыел­масының көмеш призерларыннан һәм Александр Лукоя­нов, Игнат Рыжов (тренерлары Виктор Филиппов), Дмитрий Вавилов (тренеры Александр Вавилов) составындагы Татарстанның икенче командасыннан өстен чыктылар. Нәтиҗәдә, чемпионнар өчлегеннән икесе команда медальләренә – шәхсине, Геннадий Мамкин – алтынны, Никита Кос­тягин бронзаны өстәде. Шәхси ярыш нәтиҗәләре буенча тәтешле Алинә Әхәтова (тренеры Альберт Бәдртдинов) бронза яулады. 

Яшүсмерләр Беренчелегендә өч катнаш дуэ­тта “микс”та траншея стендында Полина Князева һәм Геннадий Мамкин алтынга ия булды, ә Татьяна Саранская белән Никита Костягин көмеш алды.