Көрәшчеләр медальләр яулап кайттылар

(Тәтеш, 17 декабрь, “Тәтеш таңнары”). СССРның спорт мастеры Шамил Ганиев истәлегенә Казанда узган ирекле көрәш буенча ачык турнирда тренер Сәгыйть Ибраһимов шәкертләре яхшы нәтиҗәләргә иреште.

Безнең яшь көрәшчеләребез Анна Юдина, Татьяна Долгова, Дарья Мартынова үзләренең нык ихтыярлы булу сыйфатларын, техник яктан югары дәрәҗәдә әзерлекле булуларын күрсәтеп, мактау пьедесталының югары баскычына күтәрелделәр. Виктория Похлебкина, Полина Белова, Виктория Тайманова, Рания Рахманова бронза медаль яуладылар.