Тәтеш районы: спорт яңалыклары

(Тәтеш, 18 февраль, “Тәтеш таңнары”). 

Тәтеш спортчылары ирекле көрәш буенча Татарстан Республикасының ачык чемпионатында катнаштылар. 
Наталья Храменкова үз үлчәү авырлыгында алтын медаль яулады. Ксения Семенова бронза медальгә лаек булды. Владлен Яшин бишенче урынны алды. 
Спортчыларның тренеры Сәгыйть Ибраһимов. 

*  *  *

“Барс” спорт-сәламәтләндерү ­комплексында барлык категория кешеләре өчен ГТО БФСК кышкы фестиваленең муниципаль этабы узды. Фестивальдә районыбыз мәктәпләреннән 120 укучы, урта махсус уку йортларыннан 50 укучы катнашты.