Тәтешнең яшь йөзүчеләре йөзү буенча республика ярышларында уңышлы чыгыш ясадылар

(Тәтеш, 25 апрель, “Тәтеш таңнары”). Тәтешнең яшь йөзүчеләре ТР районнарының кече шәһәрләре һәм авыл районнары арасында йөзү буенча республика ярышларында уңышлы чыгыш ясадылар, ул Минзәләдә узды. 

Дарья Грошева 50, 100, 200 метр ераклыкка баттерфляй йөзүдә, 100 һәм 200 метрга комплекслы йөзүдә биш алтын медальгә ия булды. Константин Привалов 200 метрга комплекслы йөзүдә алтын һәм 50, 100, 200 метрга аркада йөзүдә, 100 метр­га комплекслы йөзүдә көмеш медальләр яулады. Анас­тасия Михеева 200 метр­га брасслы йөзүдә беренче булды. Станислав Строкин яшь йөзүчеләрнең бүләкләр тартмачыгын 100, 200, 400 метрга ирек­ле стильдә көмеш медальләргә, 50 метр ераклыкка ирекле стильдә бронзага тулыландырды, ә Дарина Торгашева 400 метрга комплекслы йөзүдә көмеш һәм 100 метрга баттерфляй йөзүдә бронза яулады. Йөзүчеләрнең тренеры Эльмира Мөхәммәтҗанова. 
фото: архив/Авангард