“Вымпел” җиңде

(Тәтеш, 10 декабрь, "Тәтеш таңнары. Юлия Калинина, фото Ксения Обидина тәкъдим итте. 
Тәтештә “Наркотикларга каршы спорт” ел саен үткәрелә торган Рес­публика фестивале кысаларында “Җиңү волонтерлары. #75 адым” Спартакиадасы узды.

Тантаналы ачышта “Җиңү волонтерлары” Бөтенроссия иҗтимагый хәрәкәтенең Татарстан төбәк бүлеге рәисе Азат Идрисов һәм “Батырлык” үсмерләр клубының педагог-оештыручысы Ксения Обидина чыгыш ясады.

“Барс” спорт-сәламәтләндерү ком­п­­лексында узган чарада районның уку йортларыннан унике команда катнашты. Балалар Бөек Ватан сугышының тарихын белүләрен күрсәттеләр, күп төр спорт ярышларында: аркан тартышуда, алкага туп ыргытуда, озынлыкка сикерүдә көчләрен сынадылар. 

Ярыш нәтиҗәләре буенча Тәтешнең 1нче урта мәктәптән “Вымпел” командасы җиңде, Тәтеш дәүләт гражданнарны яклау көллияте егетләре икенче булды, кадет мәктәп-интернаты шәкертләре алардан беразга калышып, алдынгылар өчлегенә керде.

“Мондый чара безнең районда беренче тапкыр уздырылды. Аның максаты – яшьләрнең мөмкин кадәр күбрәген сәламәт яшәү рәвешенә һәм спорт белән шөгыльләнүгә җәлеп итү”, – дип уртаклашты “Җиңү волонтерлары” Бөтенроссия иҗтимагый хәрәкәте бүлегенең райондагы координаторы Ксения Обидина.