Тәтештәге 1 нче урта гомуми белем бирү мәктәбедә “Традицияләрне саклап, киләчәкне булдырабыз” дигән темага парламент дәресе узды

 (Тәтеш, 12 февраль, “Тәтеш таңнары”).  Актив гражданлык позициясе тәрбияләү һәм патриотизм формалаштыру, хокукый белем бирү, укучыларның илнең дәүләт төзелеше турында белемнәрен тирәнәйтү һәм аларның иҗади активлыкларын хуплау максатыннан 2020 елның 10  февралендә Тәтештәге  1 нче урта гомуми белем бирү мәктәбенең 8б сыйныфында ТАССРның 100 еллыгы һәм Бөек Ватан Сугышында Җиңүнең 75 еллыгына багышланган “Традицияләрне саклап, киләчәкне булдырабыз” дигән темага парламент дәресе узды.