“Читаем Тукая” – “Тукай укулары” бәйгесенең йомгагы

(Тәтеш, 24 апрель, “Тәтеш таңнары”). Туган телләр һәм Халык бердәмлеге елы кысаларында 2021 нче елның 20 нче апрелендә Тәтеш районы өстәмә белем бирү үзәгендә бөек татар шагыйре Габдулла Тукайның тууына 135 ел тулуга багышланган “Читаем тукая” – “Тукай укулары” дип исемләнгән муниципаль иҗади бәйгесе узды.

Конкурсның максаты-сәләтле балаларны ачыклау, бөек татар шагыйре Габдулла Тукай иҗатын Тәтеш муниципаль районы мәктәпкәчә белем бирү оешмаларында тәрбияләнүчеләр һәм 1-11 сыйныф укучылары арасында популярлаштыру, Татарстан Республикасында Туган телләр һәм Халык бердәмлеге елында милли өстенлекләрне пропагандалау.

Конкурста районның 25 белем бирү оешмасыннан 75тән артык катнашучы катнашты.