Яңа ел бизәкләре

(Тәтеш, 11 гыйнвар, "Тәтеш таңнары"). 
“Могҗизаларга ышаныгыз!” дигән бәйрәм программасы шәһәрдә яшәүчеләр һәм кунакларның күбесе өчен узган елның соңгы күренеш­ләре булды. Төп чыршы янында яңа ел турында җырлар яңгырады, аларның кайберләренә тамашачылар күңелле итеп биеп тә алды.

Курант уклары сугарга берничә сәгать кала, матур гадәт буенча, йортларны, административ биналарны һәм предприятиеләр, учреждениеләр, оешма территорияләренең иң яхшы бизәлеше һәм “Кар фантазияләре-2019” бәйгеләрендә җиңүчеләрне тантаналы бүләкләү булды.  

“Узып баручы ел күпләребез өчен искиткеч булды, әгәр инде ниндидер начарлыклар булса, алар үткәндә калсын. Сәламәтлек, уңышлар, җитешлек, иминлек телим. Бәйрәм салюты астында сезнең һәркайсыгызга теләк теләргә тәкъдим итәм”, – дип мөрәҗәгать итте җыелучыларга район башлыгы Рәмис Сафиуллов. Аның сүзләреннән соң төнге һавада бәйрәм салютының төрле төстәге утлар балкышы сирпелде.  

“Программа бик ошады. Шунысын билгеләп үтәсем килә, быел сәхнә ясаганлык­тан, артистларны мәйданның теләсә кайсы ноктасыннан күрергә мөмкин булды. Бәйрәм рухы хакимлек итә, салют – гаҗәеп матур! Иң яхшы яңа ел бизәлеше бәйгесендә дүрт ел рәттән катнаштык, өч тапкырында беренче урынны алдык”, – дип уртак­лашты Монастырскийдан Юлия Тимарина. 

Бәйрәм якынлашканда район мәдәният йортында “Яңа ел ирониясе, яки яңа ел аэропортында гадәттән тыш маҗаралар” дигән прог­рамма узды. Тамашачылар елның иң тылсымлы төнендә башка дөньяга эләккән геройлар белән бергә театральләштерелгән музыкаль спектакльне карап хозурланды. Әмма бу өметсезлеккә бирелү өчен сәбәп була алмады, киресенчә, яңа танышулар һәм мәхәббәттә аңлашуларга юл куйды. Әлбәттә инде могҗизалардан башка була алмый: бәйрәм программасы азагында сәхнәгә Кыш бабай белән Кар кызы чыкты. “Бәйрәм хисе беренче минуттан алып соңгы мизгелләргә кадәр дәвам итте. Җыр­лар да, бию­ләр дә ошады”, – диде Светлана Россеева.  

Бәйрәм җиткәндә балалар сәнгать мәктәбендә сәламәтлекләре буенча мөмкинлекләре чикле балалар, шулай ук гаиләләргә тәрбиягә алынган балалар өчен чыршы бәйрәме узды. Укучылар һәм укытучылар тамашачылар өчен яңа ел тамашасы – “Кар патшабикәсе” әкияте буенча ярату һәм дуслык, игелек һәм явызлык турында мюзикл әзерләгән. Ул серле, тылсымлы һәм шаян музыка белән үрелеп барды, тематик тәкъдим ­итүне яңа ел могҗизасы белән әкия­ти күренеш тулыландырды. Тамашадан соң балалар һәм Кар кызы чыршы ­тирәли әйлән-бәйлән әйләнде, җырлады һәм бәйгеләрдә ­катнашты.

Тәтеш районында бәйрәм алдыннан ел саен ветераннарны – оешма­лар, учреждениеләр, пред­прия­тиеләрнең ­элекке җи­тәкчеләрен тәбрикли­ләр. Алар белән очрашу авыл хуҗалыгы техникумында булды. Район башлыгы ­Рәмис Сафиуллов ветераннарны якынлашып килүче Яңа ел белән котлады, аларга сәламәтлек, озын гомер, бәхет теләде.

Шәһәрдәге балалар китап­ханәсендә “Әкиятләр, мог­җизалар, тылсымнар вакыты”  һәм “Раштуа үзгәреше” дип исемләнгән матур әдәби-уен программасы булды.

Тәтеш районының авыл җирлекләрендә яңа ел чаралары оештырылды. Шулай итеп, Түбән Тарханда бәйрәмне мәдәният хезмәткәрләре авылның “Ак калфак” бү­леге вәкилләре белән “Киләсе ел безгә нәрсә әзерли” дигән үзенчәлекле чара буларак оештырган, анда алар бәйрәм табыны янында ел дәвамында ­ук­ыл­ган әсәрләр хакында фи­кер алышкан. Тоншерма авылы мәдәният йортында олы­лар өчен “Безгә Яңа ел килә” дигән бал-маскарад үтте, Льяштә барлык яшьтәге авыл кешеләрен мәдәният йортында Кыш бабай, Кар кызы һәм киләсе ел символы – тыйнак, мәрхәмәтле Тычкан котлады. Ә Килдештә “Яңа ел могҗизалары” дигән мюзиклның премьерасы булды һәм оттырышсыз лотерея уйнатылды. 

Казанда “Татнефть Арена” боз сараенда матур гадәт буенча Республика Яңа ел чыршысы булып узды, анда Тәтеш районыннан  20дән күбрәк бала чакырылды. Татарстан Республикасы Президенты Рөстәм Миңнеханов яшь татарстанлыларны Яңа ел белән котлады. 
“Безне җырлар һәм бию­ләр белән каршыладылар. Миңа республикабыз ­Президентының котлавы һәм боздагы шоу ошады – бу онытылмас кичерешләр”, – дип уртаклашты безнең районнан делегация вәкиле Венера Фәхретдинова.

Тәтеш районы башлыгы Рәмис Сафиулловның яңа ел бүләкләрен шәһәр һәм авыллардагы  яңа ­туган сабыйлардан алып 11нче сыйныфка ­к­адәрге­ 3350 бала алды.

Раштуа кичендә Тәтешкә “Шәһәрдә әкият” проекты актерлары килде. Алар тамашачыларга “Кар малайлары” дип исемләнгән – урам клоуннарының күңелле чыгышлары белән тамаша күрсәтте. “Тамаша миңа бик тә ошады! Безнең шәһәрдә мондыйның булганы юк иде әле. Кар малайлары бик шаяннар һәм кызыклар! Биедек, күңел ачтык, кичне бик шәп уздырдык! Мәдәни чараларны тагын көтеп калабыз”, – дип уртаклашты Ангелина Шитова.

“Шәһәрдә әкият” проекты Татарстан Республикасы Президенты Рөстәм Миңнеханов ярдәмендә Казандагы парклар һәм скверлар Дирекциясе белән тормышка ашырыла.
Күчеп йөрүче урам театры Татарстанның 16 торак ­пунк­тында булды.