Түбән Новгородта юлда бәрелешкән дүрт машинаның берсе тротуарда 12 кешене бәрдергән

(Казан, 8 декабрь, «Татар-информ», Полина Шевчук). Түбән Новгородта автомобиль, массакүләм юл-транспорт һәлакәтеннән соң, тротуарга чыгып, 12 кешене, шул исәптән ун баланы бәрдергән. Бу хакта РИА Новости хәбәр итә.

Авария кичә кичке алтыда булган. Юл чатында дүрт автомобиль бәрелешкән. Бәрелгәннән соң машиналарның берсе тротуарга ыргытыла, анда ул берьюлы 12 кешене бәрдерә. Зыян күрүчеләр арасында 10 бала бар. РИА Новости мәгълүматларына караганда, балалар укытучы белән бергә театрга бара торган булган.

Барлык зыян күрүчеләрне ашыгыч рәвештә хастаханәләргә илтәләр. Массакүләм-мәгълүмат чаралары мәгълүматларына караганда, укытучы үлгән, ә зыян күргән балаларның берсе бик авыр хәлдә.