Татарстан синоптиклары бу атнадагы иң салкын көн турында әйтте

(Тәтеш, 16 февраль, «Тәтеш таңнары»). Татарстанда атна дәвамында көчле салкыннар сакланачак. Бу турыда Татарстан Гидрометеорология һәм әйләнә-тирә мохитне күзәтү үзәге хәбәр итә.

Чәршәмбе төнлә һава температурасы -24...-29 градус салкын, урыны белән -32 градус булачак. Бу көнннәрдә явым-төшем ихтималы аз.

18 февральдә шулай ук явым-төшем көтелми. Төнлә һава температурасы -23…-28 градус, көндез -16…-21 градус фаразлана.

Җомга һәм шимбә вазгыять үзгәрми диярлек. Төнлә һава температурасы -20…-27 градус, көндез -15…-20 градус булуы көтелә.

Белгечләр республикага аномаль салкыннар килүне арктик циклон белән бәйле дип саный.

Подробнее: https://tatar-inform.tatar/news/ecology/15-02-2021/tatarstan-sinoptiklary-bu-atnadagy-i-salkyn-k-n-turynda-ytte-5806671