Пособие сакланачак

Агымдагы елның гыйнварыннан яңа закон үз көченә керде — балага яшь ярым булганчы ук эшкә чыккан әти-әниләр хәзер бала карау өчен пособие алу хокукын югалтмаячак.

— Шул исәптән, яңа кагыйдә тулы булмаган эш көненә чыкканда да, өйдән торып һәм дистанцион рәвештә эшләгәндә дә гамәлдә, — дип сөйли Тәтеш районында клиентлар хезмәте (бүлек хокукларында) җитәкчесе Ирина Большакова. — Бала карау ялы вакытында башка эш бирүчедә эшләүчеләрнең дә пособиесе сакланачак.

Вакытлыча эшкә яраксызлык һәм бала карау буенча ел ярымга кадәрге пособиеләрнең максималь күләме әти-әнинең уртача хезмәт хакының 40 процентын тәшкил итә. Минималь айлык түләү — 8,5 мең сум, ә максималь түләү 33,2 мең сум тәшкил итә. Түләүләр быелның 1 февраленнән индексацияләнәчәк.

Исегезгә төшерәбез, элек әти-әниләр эшкә йөрмәсә һәм хезмәт хакы алмаса гына яшь ярымга кадәр бала карау буенча пособие алу хокукына ия иде. Айлык пособие түләүне тулы көнгә эшкә чыкканда туктаталар иде.