Татарстанда БДМРннан белешмәләр алу тәртибе үзгәрәчәк
15 гыйнвардан Татарстанда салым түләүчеләрнең бердәм дәүләт реестрыннан белешмәләр бирүнең яңа кагыйдәләре үз көченә керә. Бу хакта республика Федераль салым хезмәте Идарәсенең рәсми сайтында хәбәр ителә.
Үзгәрешләр Россия Федераль салым хезмәтенең 2025 елның 13 ноябрендәге, РФ Юстиция министрлыгы тарафыннан агымдагы елның 15 декабрендә теркәлгән боерыгы белән расланды. Яңа регламент салым түләүчеләрнең барлык категорияләре өчен, оешмаларны һәм физик затларны да кертеп, бердәм форма һәм форматларны билгели.
Хәзер запросны салым түләүчеләр үзләре дә, өченче затлар да бирә алачак. Формалар конкрет реквизитлар соратып алырга һәм территориаль яисә мөлкәт тибы буенча – күчемсез объектларга, транспорт чараларына яисә җир кишәрлекләренә мәгълүмат бирүне чикләргә мөмкинлек бирә.
Исегезгә төшерәбез, Реестрга кертелә торган мәгълүматлар исемлеге РФ Финанс министрлыгының 2017 елның 22 июнендәге 99н номерлы боерыгы белән расланган. салым хезмәткәрләре фикеренчә, яңалыклар гражданнар һәм оешмалар белән хезмәттәшлек процессын стандартлаштырырга, шулай ук кирәкле мәгълүматка ирешүне җиңеләйтергә мөмкинлек бирәчәк.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев