Тәтеш шәһәренең «Сабый» балалар бакчасында «Минем Республикам» дигән чара узды
Тәрбияләнүчеләр «Герб һәм флаг тупла», «Казан хәзинәләре», «Түбәтәй» уеннарын яратып уйнадылар
Туган тел атналыгы балалар бакчасында «Минем Республикам» дигән чара үткәрелде. Бу хакта Тәтеш шәһәренең «Сабый» балалар бакчасы хәбәр итә.
Балалар Татарстан Республикасының дәүләт символикасы, аның башкаласы Казан, төп истәлекле урыннар, традицияләр, милли костюмнар һәм көнкүреш турында әңгәмәдә кызыксынып катнаштылар.
Тәрбияләнүчеләр "Герб һәм флаг тупла", "Казан хәзинәләре", "Түбәтәй" уеннарын яратып уйнадылар, әлеге темага багышланган видеороликлар һәм презентацияләр карадылар, ә ахырында Татарстан гимнын тыңладылар.
Мондый чаралар балаларда патриотик хисләр, туган якка, үз Республикасына мәхәббәт һәм аның өчен горурлык хисе тәрбияли.
фото: tetushi.tatarstan.ru/tat
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев