Укучы гәҗит турында: Халидә ГАЛИӘКБӘРОВА

(Тәтеш,  30 декабрь, Тәтеш таңнары).  Халидә ГАЛИӘКБӘРОВА, Алабирде: 
– “Тәтеш таңнары”н 15 елдан, Алабирдегә килен булып төшкәннән бирле алдырабыз. Аңа кадәр, Баймәттә әти-әни янында яшәгәндә дә алдырдык. Әнием Әлфинур да гомер буе яратып укый, килгәнен түземсезләнеп көтеп торам, ди.  Гәҗиттә миңа күбрәк рецептлар, файдалы киңәшләр ошый. Гыйбрәтле язмаларны, авылдашлар турындагы мәкаләләрне бик кызыксынып укыйм. Танышларны гәҗит битләрендә күргәч, ихластан сөенәм. Балаларым мәктәптә укый, алар да мәгариф тормышы, спорт яки гәҗит уздыра торган кызыклы бәйгеләрне игътибардан читтә калдыр­мыйлар, аларда теләп катнашалар. Район гәҗите һәркем өчен кирәк, дип уйлыйм. Редакция хезмәткәрләренә иҗат уңыш­лары, сәламәтлек, илһам чыганагы телим.