Улларын сагынып көтәләр

(Тәтеш, 28 май, “Тәтеш таңнары”, Галина Таҗетдинова).

“Сез улыгызның армия хезмәте кыенлыкларыннан курыкмавы һәм Ватанны саклаучылар сафында лаек­лы урын алуы белән горурлана аласыз. Часть командованиесе сезгә шундый ул тәрбияләгәнегез өчен зур рәхмәт белдерә. Дмитрий алга таба да җаваплы эшләр башкарганда үзен чын ир-атларча күрсәтер дип ышанабыз”, – диелә хатта.

Россия армиясе сафла­рына егет узган елның ию­лендә чакырылган булган.

– Улым армиягә теләп китте, – ди Алена Георгиевна. – Безнең нәселебездә ир-атлар Ватанны сак­лау буенча үз бурычларын намус белән үтәделәр. Аның әтисенә Балтыйк диңгез флотында хезмәт итәргә туры килгән, абыйлары да хезмәт иткән. Улым да әтисе юлыннан китәргә теләде, ләкин ул Читага эләкте. Анда элемтәче һөнәрен үзләштерде, шуннан соң Көньяк Осетиягә җибәрделәр. Һәм хәзер ул бу якларга эләгүенә бер тапкыр да үкенми. Атна саен шалтырата, бөтен нәрсә дә яхшы, күнек­тем, ефрейтор исеме алдым, ди. Татарстаннан аның янәшәсендә якташлары булмаса да, хезмәт­тәшләре арасыннан ях­шы дуслар тапкан. Сугыш­чылар палаткаларда яши, аларның барысы да җай­лаштырылган, дип сөйли. Миңа ничек ашатулары кызык, улым яхшы, тәмле, туклыклы ашаталар, дип җавап бирә...

Дмитрийга хезмәт итеп бете­рергә күп калмаган, туганнары Ватанны сак­лаучыны зарыгып көтә. Частьтән килгән Рәхмәт хатына, әлбәттә, алар бик шат, уллары өчен горурланалар һәм шулай да алар өчен иң яхшы бүләк – озак көтелгән очрашу булачак.

фотосы Югушевлар гаилә архивыннан