Райондашлар профсоюзга керә

Профсоюз эшчәнлегенең төп юнә­лешләренең берсе –  эш­чәннәрнең  хезмәт һәм со­циаль хокукларын як­лау, сәла­мәт­леген, ­гомерен ­сак­лау максатында хезмәт шартла­ры­ның иминлеген үтәүгә күзәт­челек итү.

– Агымдагы ел Татарстанда хакимият органнары, эш бирүчеләр һәм профсоюзлар арасында социаль парт­нерлык канаты астында уза. Төп максат – лаеклы хезмәт һәм хезмәт хакы үсеше принципларын кертү нигезендә халыкның яшәеш дәрәҗәсен һәм сыйфатын күтәрү, социаль партнерларның нәти­җәле мәшгульлеген, гаделлеген һәм җаваплылыгын тәэмин итү, – дип билгеләп үтә агросәнәгать комплексы хезмәткәрләре проф­союзының Тәтеш районы оешмасы рәисе һәм Тәтеш райо­нының проф­союзлар коор­динациясе советы рәисе Виталий Ерастов. – Безнең районда алты тармакка караган: агросәнәгать комплексы, сәламәтлек саклау, мәгариф, мәдәният, дәүләт уч­реж­дениеләре һәм урман хуҗалыгы хезмәткәрләренең профсоюз оешмалары эшли. Профсоюзларның координация советы төзелде, ул әлеге тармакларны берләштерә һәм районның иҗтимагый тормышында катнаша. Шунысын билгеләп үтәм, проф­союз әгъзалары арта, беренчел профсоюз оешмалары барлыкка килә. Агымдагы елда  ­“Новая Заря” авыл хуҗалыгы пред­приятиесендә һәм “И. Р. Заһидуллин” КФХда ике яңа оешма төзелде.

Тәтеш үзәк район хаста­ха­нәсенең профсоюз оешмасына җитмеш елдан артык, аның рәисе ­булып Галина Горланова тора.

– Безнең ­профсоюзда 324 кеше бар, бу Тәтеш үзәк ­район хастаханәсендә эшләү­че­ләр­нең 78 процентын тәш­кил итә. Безнең төп бурыч – ­медицина хезмәткәрләренең хокук­ларын үтәүне күзәтү, ­аларга авыр тормыш хәлендә калганда матди һәм әхлакый ярдәм күрсәтү. Без хезмәт ки­лешүләрен төзүдә һәм имзалау­да, вазифа инструкцияләрен килешенгәндә даими рәвештә катнашабыз. Юбилярларыбызны котлау, бәйрәм һәм спорт ча­ралары оештыру аеруча да кү­ңелле уза, – дип сөйли ­Галина Николаевна.

Гүзәл Ибраһимова бер­ничә елдан бирле Тәтеш районы­ның мәдәният хезмәт­кәрләре ­проф­союзы комитеты рәисе ­булып тора.

– Агымдагы елда шулай ук безнең ­комитетка да җитмеш ел тула. Мәдәният хезмәткәрләре профсоюзының район коми­тетында 222 вәкил бар, бу хез­мәткәрләрнең гомуми саны­ның 85 проценты, – дигән мәгълүматны җиткерә ул. 

Татарстан профсоюзлары бер­­дәмлек, теләктәшлек, ­үз­ара ярдәмләшеп эшләү принцип­ларына нигезләнеп,  хезмәт ияләренең бер гасырдан артык инде хокукларын яклыйлар.