Ирегеннән мәхрүм ителгән

Тәтеш районында яшәүчеләр тәртип­не һәм административ күзәтче­лек шартларын күп тапкырлар үтә­мәгәннәре өчен хөкем ителгән.

– Судта 2023 елның ­мартыннан августына кадәр администра­тив күзәтү астында булган гаеплә­нү­челәрнең, аңлы рәвештә эш итеп, берничә тапкыр административ чик­ләүләрне үтәмәүлә­ре, шул ук вакытта административ хокук бозулары – җәмәгать урыннарында исе­рек хәлдә йөрүләре ачык­ланды. Хө­кем ителүчеләр җинаять кылуда үз гаепләрен тулысынча таныдылар, – дип хәбәр итә Тәтеш районы прокуратурасы хезмәткәрләре. – Кылган гамәлләренең җәмәгать куркынычлылыгы дәрәҗәсен исәпкә алып, суд 32 яшьлек ир-атны кырыс режимлы колониядә утыру рәвешендәге җәза хөкеме белән 7 айга ирегеннән мәхрүм итте, ә 45 яшьлек ир-атны гомуми режимлы колониядә утыру рәвешендәге җәза хөкеме белән 6 айга ирегеннән мәхрүм итте.