Кыю кешеләр һөнәре

Илья Мишин:
– Янгын сүнде­рүченең эше төрле кис­кен хәлләр бе­лән бәйле, һәм бу мине җәлеп итә. Янгын сүн­де­рүче һөнәре – иң ки­рәк­леләрнең берсе, янгын  сүндерүчеләр кеше гомерләрен коткаручылар, аларның мөлкәтен сак­лаучылар да булып торалар. Мин бу һөнәрне җәмгыятькә файдалы, башкалар хакына үз гомерләрен дә аямыйча ярдәм итәргә әзер торучы кешеләр сафында булыр өчен сайладым. Киләчәк турында уйлаганда, минем тарафтан сайланган һөнәр тәҗрибә туплауны да, белем алу дәрәҗәсен һәм квалификация күтәрүне дә күз уңында тота, һөнәри үсеш алу өчен дә мөмкинлек­ләр бар.

Данил Ступин:
– Янгын сүн-­де­рүче булу те­ләге балачакта ук барлыкка килде. Янгын сүндерүче – олы хөрмәткә лаек кеше, ул үз-үзен куркыныч астына куеп, башкаларның го­мер­­ләрен саклап калучы да. Мин әлеге кешеләрне күрдем, алар бик кыю, җаваплы, шул ук вакытта киң күңелле һәм аңлаучан. Аларның янгын сүндерергә баруы, теләсә нинди штаттан тыш вәзгыятьтә катнашуы, алар өчен соңгысы булырга да мөмкин бит, һәм шулай да алар барысына да әзер. Мондый профессионалларны  күргәч, алар өчен горурлык хисләре барлыкка килә һәм киләчәктә мин алар кебек булачакмын дигән ­фикер туа.

Дмитрий Оскирко:
– Мин ­янгын сүндерүче һө­нәрен ­сайладым, чөн­ки миңа ке­ше­ләрне коткару ошый. Ми­не әлеге служ­баның хезмәт­кәр­ләре кия торган махсус киемнәр җәлеп итә. Мин үз белемемне янгын сүндерүдә кулланасым, куәтле янгын сүндерү машинасы белән идарә итәсем килә. Мин янгын сүндерүчеләрнең кирәкле җайланмалар белән эшләгәндә аларның көченә һәм җитезлегенә ­сокланам. 

Рамил Низамов:
– Мин авыр ми­нутларда һәр­­­­­вакытта ке­ше­­­ләргә яр­дәм итәргә хыял­­ландым. Ян­гын сүнде­рү­­че­нең эше кыюлык һәм тә­вәк­кәллек таләп итә, һәм мин үз өс­темдә эшлим, укыйм, күнекмәләр ясыйм, теләсә нинди хәлдә дә югалып калмый торган кеше булырга омтылам. Моннан тыш, миңа командада эшләү һәм ышанычлы иптәшләрем белән авырлыкларны җиңеп чыгу ошый.
 

фото: Татар-информ