Алдакчылар күрсәтмәсе буенча эш иткәннәр

Болар – нәфис фильм күренеше түгел, ә өлкән яшьтәге хатын-кыз белән килеп чыккан чын­бар­лыктагы хәл.

Тәтеш районы проку­ра­турасы РФ җинаять Ко­дексы­ның 159нчы маддә­сенең (зур һәм аеруча зур күләмдә алдашу) ике очрагы буенча телефон аркылы алдашуда катнашучыга карата гаеп­ләүне хупла­ган, җинаять эше судка җибәрелгән.   

Җинаять эшен тикшерү барышында гаепләнүченең Казанда яшәгәнлеге, башка затлар белән бергә эш итеп, зыян күрүчеләрнең алдау юлы белән зур һәм аеруча зур күләмдәге акчаларын кулга төшерүе ачыкланган. 

– Шулай итеп, агымдагы елның 10 гыйнварында билгесез зат, гаепләнүче белән бергә эш итеп, Ин­тернет челтәрендәге мес­сен­джер аркылы пен­сио­нерга шалтыраткан, үзен хокук саклау орган­нары хезмәткәре дип та­ныштырган, аңа карата җинаять эше кузгатылуын, ә аның исеменнән рәсмиләш­терелгән кредитлар һәм аның акчалары Украи­на территориясенә күчере­лергә мөмкин дип хәбәр итеп, хатын-кызны ялгыш юлга этәргән. Алданган хатын-кыз кырыгалдарлар күрсәтмәсе буенча эш итәргә ризалашкан. Ул 13 гыйнварда банкларга салган кертемнәреннән миллион сумнан артык акчасын алган, аларны пакет­ларга төргән һәм такси йөр­түчегә тапшырган, алар гаепләнүчегә акчаны алдакчылар күрсәтмәсе буенча Казандагы адрес буенча илткәннәр. 

Икен­че зыян күрүчегә бил­гесез затлар 2025 елның 21 гыйнварында шалты­ратканнар, үзләрен күп­функцияле үзәк һәм банк хезмәткәрләре дип таныш­тырып, хатын-кызны ял­гыш юлга этәргәннәр, янәсе дә аның акчасын урлау ихтималы булуы турында хәбәр иткәннәр. Анна­ры алдакчылар, үз­ләрен хокук саклау ор­ганнары хезмәткәрләре итеп күрсәтеп, акчасын күчерү кирәклегенә ышан­дырганнар. Алданган ха­тын-кыз икенче көнне Тә­тешкә барып, банктагы үз счетыннан 298 800 сум акчасын алган һәм алдакчылар кушуы буенча эш итеп, җинаятьчеләрнең алдагы корбаны кебек үк, үзенең акчаларын төргән дә, аны такси йөртүче­гә тапшырган, ул аларны гаепләнүчегә Казанда күрсәтелгән адрес буен­ча илткән, – дип хәбәр итә Тәтеш прокуратурасы хезмәткәрләре.

фото ясалма интеллект ярдәмендә тупланган