Рәмис Сафиуллов хәрби хезмәткәрләрне һәм чик буе хезмәте ветераннарын котлый

Район башлыгы Рәмис Сафиуллов хәрби хезмәткәрләрне һәм чик буе хезмәте ветераннарын котлый:

– Дәүләт чикләрен саклау – зур һәм кече шәһәрләрнең имин, бәхетле, тыныч тормышы өчен җитди җаваплылык белән бәйле бөек, батырлык тулы хезмәт.

Бөек Ватан сугышы елларында каһарманлык күрсәткән изге Ватаныбызны саклаучыларның тиңдәшсез батырлыгы халык күңелендә мәңгегә сакланачак. Чик буе гаскәрләре бүгенге көндә дә Ватаныбыз иминлеге һәм аның чикләренең бөтенлеге гарантиясе булып кала бирә.

Бу бәйрәм көнендә авыр хезмәтегез, хәрби бурычыгызны тайпылышсыз үтәгәнегез, батырлыгыгыз һәм кыюлыгыгыз өчен ихлас күңелдән рәхмәт сүзләрен кабул итегез! Чын күңелдән сезгә нык сәламәтлек, финанс иминлеге, гаилә бәхете, киләчәккә ышаныч, бәйрәм рухы һәм бөек илебез хакына яңа уңышлар, тынычлык, иминлек телим!