«Татар кызы – 2026» конкурсында җиңүчеләр билгеләнде

Конкурста катнашучылар дүрт якты этап аша үттеләр, аларның һәркайсы үзләренең сәләтләрен һәм белемнәрен ачарга мөмкинлек бирде: 

“Үзеңне тәкъдим итү” — катнашучылар үзләрен тәкъдим иттеләр, үзләренең хыяллары һәм карашлары белән уртаклаштылар, сөйкемлелек һәм ышаныч күрсәттеләр. 

"Иҗади конкурс" - кызлар артист номерлары белән тамашачыларны сөендерделәр: татар телендә җырлар яңгырады, милли биюләр башкарылды, шигырьләр сөйләнде. 

 "Дефиле" — катнашучылар халык алдына матур милли киемнәр киеп, татар мәдәниятенең матурлыгын һәм нәфислеген ассызыкладылар. 

“Аш-су бәйгесе” — бу этап конкурста катнашучыларга кулинария осталыгын һәм буыннан-буынга  тапшырыла торган рецептларны белүләрен күрсәтергә мөмкинлек бирде. 

“Хатын-кызларның интернациональ берлеге” ТИО вице-президенты, Бөтендөнья татар конгрессының Тәтеш җирле бүлеге җитәкчесе рәислегендәге жюри каршында һәр катнашучының талантын, матурлыгын һәм белем тирәнлеген бәяләү бурычы куелды. Әмма, конкурсантларның югары дәрәҗәдә әзерләнүенә карамастан, җиңүчеләр билгеләнде - һәм бу сайлау игътибарлы һәм гадел хөкемдарлык нәтиҗәсе булды.

«Татар кызы – 2026» конкурсында Алабирде урта мәктәбеннән Инзилә Нургалиева җиңүче булды. Гран при иясе итеп Тәтеш татар урта мәктәбеннән Алисә Шакирова танылды. 

Бәйгедә катнашучы кызларның һәркайсы төрле номинацияләр буенча билгеләп үтелделәр, диплом, чәчәк һәм акчалата сертификатлар алдылар.