Уҗым культураларын өстәмә тукландыру бара

Үсемлекчелек белән шө­гыль­ләнүчеләр уҗым культураларын минераль ашламалар белән өстәмә  тукландыруга кереште – бу югары уңыш алу өчен төп агротехник чараларның берсе.
 
Районның авыл хуҗалыгы һәм азык-төлек идарәсе белгечләре мәгълүматлары буенча, 9 апрельгә 2 767 гектар уҗым культуралары эшкәртелгән, бу планның 16 процентын тәшкил итә, күпьеллык үләннәр – 2 027 гектар, ягъни планлаштырылганның 44 процентын тәшкил итә.
– Язгы өстәмә тукландыру – уҗым культураларын үстерүдә төп этапларның берсе. Кышлаудан соң үсемлекләр зәгыйфьләнә һәм ярдәмгә мохтаҗ була. Вакытында азот кертү аларга салкыннардан соң тернәкләнергә, актив үсешне һәм тамырлануны көчәйтергә ярдәм итә, киләчәк ашлыкның сыйфатына, аеруча аксым һәм җилемчә күләменә йогынты ясый.
Механизаторлар эштә бер минутны бушка уздырмый. Яңа сезонда уңышның нинди булачагы аларның тырышлыгына, һөнәри якын килүенә бәйле, – диде районның авыл хуҗалыгы һәм азык-төлек идарәсе җитәкчесе Рәмис ­Гарипов.
 
Район кырларында Чәчү кампаниясендә якынча эшли:
 
285 трактор; 
120 куәтле трактор; 
120 тырмалау агрегаты; 
35 чәчү комплексы; 
135 чәчү агрегаты;
61 киң колачлы гидрофикацияле агрегат.
 
Агымдагы елда район хуҗалыклары тарафыннан чәчү планлаштырылган сабан бодае 11 052 
гектар, арпа 10 210 гектар, шикәр чөгендере 8 296 гектар, көнбагыш 8 374 гектар, берьеллык үләннәр 2 734 гектар, силоска кукуруз 2 246 гектар, бөртеккә кукуруз 795 гектар, борчак 1 533 гектар, рапс 264 гектар, соя 801 гектар, солы 54 гектар, ясмык 10 гектар.

фото: Евгений Савельев