28 майда Россиядә Чик сакчылары көне билгеләп үтелә

28 майда Россиядә Чик сакчылары көне билгеләп үтелә. Чик сакчысы-җаваплы һәм героик һөнәр. Бу хакта Тәтеш шәһәренең «Сабый» балалар бакчасы хәбәр итә.

Бүген балалар чик буе гаскәрләренең символикасы белән таныштылар, героик һөнәр турында белемнәрен тулыландырдылар - чик сакчысы, застава, дозор, чик, чик баганасы, чик полосасы. Мәктәпкәчә яшьтәгеләр Шундый һөнәр барлыгын белделәр – «Ватанны якларга!». Чик буенда хезмәт итү һөнәр генә түгел, ул чакыру, Ватанга мәхәббәт, югары профессионализм һәм антка тугрылык. Балалар педагоглар белән бергә Чик сакчылары көненә багышланган митингта катнаштылар һәм һәйкәлгә чәчәкләр салдылар.