Пенсия тупланмалары турында

– 2026 елда пенсия тупланмаларын алуның нинди төрләре каралган?
 Маргарита Н.

– Татарстанда яшәү­челәр, пенсия тупланмалары булдыручылар, өч төрнең берсен сайлый алачак: вакыты чикләнмәгән тупланма пенсия (гомерлек түләүләр); бер тапкыр бирелә торган түләү (барлык тупланмалар берь­юлы); билгеле бер вакытта түләү (билгеле бер вакытка, кимендә 10 елга).

– Миңа түләүнең нинди төре тиешлеге ничек билгеләнә?
Рөстәм Д.

– Карар сезнең туп­ланмаларның күлә­менә һәм пенсио­нерның федераль яшәү минимумына бәйле. 2026 елда пенсионерның яшәү минимумы – аена 16 288 сум. Айлык тупланма пенсияне исәпләү өчен тупланма сумма 270 айга бүленә (быел көтелә торган түләү вакыты). Әгәр нәтиҗә – 1 628,8 сум яки аннан да азрак булса (пенсионерның яшәү минимумының 10 проценты), бер тапкыр бирелә торган түләү каралган. Әгәр күбрәк булса – гомерлек айлык тупланма пенсия билгеләнә.

– Күпме тупланма сумма бер тапкыр бирелә торган түләүне алу мөмкинлеге бирә.  Үзегезнең пенсия тупланмалары күләмен һәм алар кайда икәнен ничек белергә?
Дмитрий К.

– Бер тапкыр бирелә торган түләү өчен иң чик­ле сумма – 439 776 сум (1 628,8 сум × 270 ай). Әгәр сезнең туп­ланмаларыгыз әлеге суммадан артмаса, сез аларны тиз арада ала аласыз. Туп­лан­маларның төгәл күләмен һәм иминият­ләштерүченең исемен (РСФ яки НПФ) шәхси лицевой счеттагы өземтәдә белергә мөмкин.

– Билгеле бер вакытта түләү нәрсә ул һәм аны кем ала ала?                                                                                                                                   
Лариса П.

– Финанслау программасы буенча өстәмә иминият кертемнәре яисә ана капиталы акчалары хисабына туп­ланмаларны формалаштыручыларга билгеле бер вакытта түләү мөмкин. Түләү вакытын мөрәҗәгать итүче үзе сайлый, ләкин 120 айдан да ким түгел.

– Пенсия тупланмаларын ничә яшьтән алырга була?
Валентина Р.

– Хатын-кызларга 55 яшьтән, ир-атларга 60 яшьтән. Әгәр вакытыннан алда пенсиягә чыгу хокукы бар икән, түләүләр иртәрәк бирелергә мөмкин.

– Стажга һәм пенсия балларына таләпләр нинди? 
Марина Г.

– Тупланма яисә ашыгыч пенсия билгеләү өчен кимендә 15 ел иминият стажы һәм 30дан башлап индивидуаль пенсия коэффициенты кирәк.

– Татарстанда пенсия тупланмалары кемгә формалаштырылган?
 Хәлил Т.

– 2002 – 2004 елларда взнос түләгән 1953 елдан алып 1966 елга кадәр туган ир-атлар һәм 1957 елдан алып 1966 елга кадәр туган хатын-кызлар. 2002 – 2013 елларда кертемнәр күчергән 1967 елгы һәм аннан яшьрәк гражданнар. Ирекле рәвештә өстәмә иминият кертемнәре тү­ләүчеләр. Ана капиталын тупланма пенсиягә файдаланган аналар. 

– Тупланма акча алуга гаризаны ничек бирергә?
Дарья М.

– Гаризаны “Дәүләт хез­­мәтләре” порталы аша, теләсә кайсы социаль фондның клиентларга хезмәт күрсәтү бүлегенә яки МФЦга тапшырырга мөмкин. Әгәр тупланган акча шәхси пенсия фондында булса, тиешле фондка мөрәҗәгать итәргә кирәк.