Республикада кабат яшеннәр, көчле җил һәм боз яву көтелә

(Тәтеш, 15 июль, "Тәтеш таннары"). Бүген, 15 июльдә, Татарстанда һава шартлары бозылачак.

Гидрометеорология үзәге хәбәр иткәнчә, республикада алмашынучан болытлы һава торышы көтелә. Төнлә явым-төшем ихтималы аз, көндез һәм кич республика буенча һәм Казанда кыска вакытлы яңгырлар явачак. Урыны белән боз яварга мөмкин.

Төньяк-көнбатыштан талгын җил исәчәк. Яшен вакытында җилнең тизлеге 17-22 метрга кадәр җитәчәк, дип кисәтә синоптиклар.

Төнлә һава температурасы 10...15, көнбатыш районнарда 18, көндез 26...31 градус, ә көньяк районнарда тагын да эссерәк булачак.

Подробнее: https://tatar-inform.tatar/news/ecology/14-07-2021/tatarstanda-kabat-yashenn-r-k-chle-il-m-boz-yavu-k-tel-5830325

фото: архив/Авангард