Уңыш алу ничә сумга төшә?

Без шәһәрнең өч сәүдә ноктасында булдык һәм утырту материалына бәяләрне чагыштырып чыктык. Күзәтү барышында ассортимент һәм бәяләр буенча сизелерлек аерма булуы ­ачык­ланды. 

Бер үк культураның бер төбенә бәя 1,5 – 2 тапкырга аерыла. Помидор: беренче ноктада – 30 сум, икенчесендә – 35 сум, өченчесендә черри гына бар, ул да 50 сум. Кәбестә: бәя аермасы – 15 сумнан алып 35 сумга кадәр. Татлы борыч: бәяләр – 30 сумнан 40 сумга кадәр. Баклажан һәм кабак: беренче ноктада баклажан белән кабак 30 һәм 40 сум тора, икенчесендә – баклажан 40, кабак – 35 сум, өченчесендә – ике культура да 40ар һәм 35әр сум. Кыяр: беренчесенә караганда (40 сум) икенче ноктада очсызрак (30 сум). Рәйхан (базилик): беренче ноктада гына очрый, бәясе – 15 сум. Карбыз һәм кавын: карбыз икенче ноктада иң очсызы 35 сум, кавын өченче ноктада гына бар – 50 сум.

Чәчәкләр. Бәрхет чәчәгенең бәяләре сортына ­карап төрлечә, ­беренче сәүдә ноктасында 15 – 45 сум, икен­чесендә 40 сум. Хризантемалар: беренче ноктада – 75 сум, икенчесендә – 35, 40 сум. Петуния: беренче ноктада – 15 сум, өченчесендә – 35 сум. Ампельле ­петуния: бер сәүдә ноктасында гына бар, бәясе – 200 сум.

Тәтештә үсентеләргә бәяләр сату ноктасына карап сизелерлек аерыла. Мисал өчен, беренчесе рәйхан, помидор һәм петуниягә бәяләр иң түбән булуы, шулай ук бәрхет чәчәгенең күп төрлелеге белән аерылып тора. Икенчесе кәбестә, кыяр һәм хризантемаларны иң түбән бәядән тәкъдим итә. Өчен­чесе кавын һәм ампельле петуния сатып алырга мөмкин булган бердәнбер урын, әмма биредә бәяләр еш кына шәһәр буенча уртача бәяләрдән ­югарырак, аеруча чәчәкләргә. 

Сатып алучылар өчен төрле сәүдә нокталарын чагыштыру отышлы: бер төр үсентедә генә дә акчаны янга калдыру 10 сумнан 100 сумга кадәр җитәргә мөмкин. ­Аеруча чәчәкләргә игътибар итәргә кирәк – аларга сәүдә нокталары ара­сындагы бәя аермасы бермә-бер артык булырга мөмкин.

фото ясалма интеллект ярдәмендә ясалган