Тәтештә «Ел укытучысы» конкурсының муниципаль этабы узды

"Татарстан Республикасының "Ватанны саклау һәм иминлек нигезләре" фәнен укыту буенча «Ел укытучысы» конкурсының муниципаль этабына йомгак ясалды.

2 декабрь көнне Тәтештәге 2нче урта мәктәп базасында Бөтенроссия конкурсының муниципаль этабы тәмамланды.

Бу чара районның иң яхшы педагогларын ачыклауга, укытучы һөнәренең абруен күтәрүгә һәм педагогик осталыкны үстерүгә юнәлдерелгән.

Анда районның 8 мәгариф учреждениесеннән 8 талантлы педагог катнашты.
Җиңүчеләр дип танылдылар:

1нче урында - Абдрахманов Алмаз Дамир улы, Бакырчы урта мәктәбе укытучысы-оештыручы;

2нче урында - Фәтхуллин Тәслим Гыйбадулла улы, Алабирле урта мәктәбе укытучысы-оештыручы;

3нче урында - Исаев Николай Сергеевич, Килдеш мәктәбе укытучысы-оештыручы.

фото: tetushi.tatarstan.ru/