“Авангард” иң кирәкле газета булып кала

Алар һәр  яртыеллыкта район газетасына язылу планын үтәп киләләр.

Почта хезмәткәрләре инде күптәннән газеталар һәм хатлар гына таратып калмыйлар, ә бүлеккә яисә кибеткә үзләре килә алмаган авылдашларына азык-төлекләр дә илтәләр. Почтальоннар әйтүенчә, “Авангард” газетасы элеккечә үк авыл кешеләре арасында иң кирәкле басма булып кала.

– Мин үз эшемне яратам. Ике ел ярым эшләми тордым, әмма барыбер кире кайттым. Авылдан, үз пенсионерларымнан башка яши алмыйм. Тиздән үзем дә пенсиягә чыгам, әмма ял итәргә җыенмыйм. Авыл буйлап йөргәндә, мин күбрәк ял итәм. Мин кешеләргә ияләндем, алар да миңа. Барлык абунәчеләрем белән дә мөнәсәбәтләр бик яхшы.  Шунысы аянычлы, авылларда кешеләр елдан-ел кими бара, – дип уртаклаша Нина ­Канашова.