Республикада водолазлар Ык елгасында баткан 18 яшьлек кызны эзләвен дәвам итә

(Тәтеш, 7 июль, «Тәтеш таңнары»). Татарстанда водолазлар Ык елгасында баткан 18 яшьлек кызны эзләвен дәвам итә. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтендә хәбәр иттеләр.

Узган тәүлектә Лениногорскиның 7нче зона янгын-коткару отряды һәм Әлмәтнең янгын-коткару бүлекчәсе хезмәткәрләре кызны эзләүдә катнашты. Водолазлар төркеме һәм трал ярдәмендә 7000 квадрат метр мәйдан тикшерелде.

Элегрәк «Татар-информ» агентлыгы Күктәкә авылы янында бер кыз белән егетнең суга батуы хакында хәбәр иткән иде. Егетне шаһитлар судан чыгарган, ә кызны коткаручылар эзли.

Тулырак: https://tatar-inform.tatar/news/tatarstanda-vodolazlar-yk-elgasynda-batkan-18-yaslek-kyzny-ezlaven-davam-ita-5873358