«Ветеранга кунакка» дип исемләнгән патриотик акция узды

"Ветеранга кунакка" дип исемләнгән патриотик акция кысаларында Олы Тархан авыл җирлеге башлыгы Светлана Зафарова һәм Түбән Тархан җирлек китапханәсенең әйдәп баручы китапханәчесе Гүзәл Шәмсетдинова тыл хезмәтчәннәре Әхтәпов Әхмәт Зариф улы һәм Галиәкбәров Сәетгәрәй Лотфулла улы янына барганнар.

Тәтеш муниципаль районы башлыгы Рәмис Сафиуллов исеменнән ветераннарны якынлашып килүче Җиңү көне белән котлаганнар, аларга ныклы сәламәтлек һәм озын гомер теләгәннәр. Рәмис Сафиулловтан, шулай ук Татарстан Республикасы Рәисе Рөстәм Миңнехановтан котлау открыткасы белән бүләкләр тапшырганнар.