“Өлкәннәр балаларга үз тәҗрибәләрен тапшыра”

“Китапханә, аеруча балалар өчен, ямансуларга вакыт калдырмаслык урын булсын дип тырышам”, – ди Злата Зиновьевна.
Китапханә барлык буыннар өчен аралашу урынына әверелде, чөнки монда, китаплар һәм музей раритетлары арасында, өлкәннәрнең үз белемнәрен яшьләргә җиткерү мөмкинлеге бар. Злата Башмакова чуваш халкының тарихы, гореф-гадәтләре һәм бәйрәмнәре белән танышуга юнәлдерелгән чараларны еш үткәрә. 
– Бу рухи башлангычны торгызу өчен даими, максатчан хез­мәт. Йолаларда һәм гореф-гадәтләрдә чынлыкта да халыкның җаны яши. Безнең авылда борынгы вакытларны, әти-әниләреннән, хәтта әби-бабаларыннан ишет­кән­нәрен сөйләп бирә ­алучы өл­кәннәребез булуы зур әһә­мияткә ия. Биредә өлкәннәр тәҗ­рибәләрен балаларга тапшыралар, – ди  авыл китапханәчесе. – Мисалга, без “Чуваш фольклоры утырмалары” дигән фольк­лор сәгате үткәрдек. Чарада борынгы “Улах” бәйрәме күренешен күрсәттек. Бүгенге көндә бу йола­лар инде югалып бара, әмма өлкән буын аларны яхшы хәтерли һәм яшь­ләр белән уртаклаша. Әти-әниләре өйдә булмаганда кызлар оештырган аулак өйләргә кичен яшьләр җыела торган бул­ганнар. Хуҗабикә дус кызлары белән бергә утырган һәм кул эшләре бе­лән шөгыльләнгән, ә бу вакыт­та балалар аларның эшләрен кү­зәтеп утырганнар. Алар гармун­га кушылып җырлаганнар, биегәннәр, күңел ачканнар. Чуваш халкы ата-бабаларының ­йола­ларына ­сакчыл карый.